Plantun de Prouvènço

Pèr coumpara dos planto d'encò nostre

Vitis riparia x Vitis rupestris & Ranunculus penicillatus

Lambrusco(-bastardo)

Vitis riparia x Vitis rupestris

Vitaceae

Àutri noum : Trihiero, Vedigagno, Vigno.

Nom en français : Vigne hybride.

Descripcioun :
Aquesto lambrusco, de tèms counfoundudo emé Vitis riparia, se vèi proun en ribo d'aigo, dins li ripisilvo, ounte escalanto d'en pertout. Se recounèis à si fueio quàsi sènso péu dessouto (aleva contro li bifurcacioun di costo) e qu'an tres dènt quàsi paralèlo emé un "sinus" de pecou mens prefouns que la vertadiero Vitis riparia que sèmblo gaire se naturalisa. Es uno bastardo naturalo nascudo en Franço emé de vigno vengudo d'Americo pèr lucha contro lou filóussera. Sarié degudo à la poulinisacioun de V. riparia, "Gloire de Montpellier" pèr V. riparia " dóu Lot".

Usanço :
Coume pèr lis àutri lambrusco, li fueio dèvon èstre vertuouso pèr la circulacioun dóu sang (cambo lourdo e moureno), soun peréu astringènto e diuretico.

Port : Liano
Taio : 0,5 à 4 m
Fueio : alterno
Tipe bioulougico : Faneroufite
Cicle bioulougico : Planto renadivo

Gènre : Vitis
Famiho : Vitaceae

Ordre : Vitales

Coulour de la flour : Verdo
Petalo : 8
Ø (o loungour) flour : 4 à 5 mm
Flourido : Printèms - Estiéu

Sòu : Ca
Autour basso e auto : 0 à 800 m
Aparado : Noun
Mai à juliet

Liò : Ribiero - Ermas - Ripisilvo
Estànci : Termoumediterran à Coulinen
Couroulougi : Éuroupenco-Sud
Ref. sc. : Vitis riparia x Vitis rupestris Tison, 2014

Grapaudino(-bastardo)

Ranunculus penicillatus

Ranunculaceae

Àutri noum : Nègo-fòu, Tirasseto-d'aigo.

Noms en français : Renoncule pénicillée, Renoncule à grappes.

Descripcioun :
La grapaudino-bastardo trachis dins lis aigo courènto e souvènt nitouso coume lou Rose. Fai de lòngui tijo de mai de 2,5 m de long emé de gràndi fueio en courrejado. Li flour an de gràndi petalo de 10 à 16 mm emé un recetacle pelous (au contro de Ranunculus fluitans). Es un ranouncle bastard entre Ranunculus fluitans e Ranunculus peltatus. Sèmblo que fai pas ges de fru emé de grano vivo.

Usanço :
Couneissèn pas d'usanço particuliero pèr aquelo planto. Escriéure au site se n'en sabès mai.

Port : Grando erbo
Taio : 1 à 5 m
Fueio : alterno
Tipe bioulougico : Idroufite
Cicle bioulougico : Planto renadivo

Gènre : Ranunculus
Famiho : Ranunculaceae

Ordre : Ranunculales

Coulour de la flour : Blanco Jauno
Petalo : 5
Ø (o loungour) flour : 15 à 20 mm
Flourido : Printèms - Estiéu - Autouno

Sòu : Ca
Autour basso e auto : 0 à 100 m
Aparado : Noun
Remarco : R. fluitans x R. peltatus
Mars à nouvèmbre

Liò : Aigo - Ribiero
Estànci : Mesoumediterran
Couroulougi : Éuropenco
Ref. sc. : Ranunculus penicillatus (Dumort.) Bab., 1874

Partisoun en Prouvènço : CCC à C : mai o mens coumuno ; R à RRR : pulèu o forço raro ; "ges" dins aquéu relarg.

ges

Vitis riparia x Vitis rupestris & Ranunculus penicillatus

ges

Coumpara Lambrusco(-bastardo) emé uno autro planto

Coumpara Grapaudino(-bastardo) emé uno autro planto